“Bebaik sangko ajolah. Jangan kito ngupek pejabat nang lagi menjabat. Kito lemak ngecek ajo, sementaro tobo pejabat nang lagi menjabat itu la idak pacak ngeceknyo lagi. Nangpasti, lobang jalan di Ibukota Provinsi Bengkulu iko endak di tampal idak pacak dekek modal muncung kek liur ajo. Musti pakai monce alias pitis nden”.
Kekiro mecamitulah kecek kito kalu bepikir bebaik sangko alias positif thingking. Apolagi kito jugo idak jelle nian nang belubang itu jalan punyo provinsi apo punyo kota. Ampir miriplah kalu kito meliek lobang nang bejalan jalan di tengah malam. Keruan kito. Tapi kito idak bahas itu. Itu soal sensitif. Tesinggungnyo klak, pacak dituduh perbuatan tidak menyenangkan, meskipun itu barang menyenangkan.
Cik cuman endak ngecekkan supayo kito merubah caro bepikir dan hilangkan sementaro raso malu sebagai warga Bengkulu. Anggap ajo lobang di jalan di Ibukota Provinsi Bengkulu itu destinasi wisata baru. Wisata jalan belubang.
Apo manfaat lainnya dekek wisata jalan belubang di berbagai jalan nang ado itu? Paling idak, adik sanak dan pengujung bengkulu iko kalu baok kendaraan idak pacak ngebut-ngebut. Enyo jadi selow kalu lagi raun-raun keliling kota. Sesuai selogan kito, “Cik Tau Tapi Cik Selow, Cik Pecci Jugo”.
Jadi kalu kito bepikir positif soal banyaknyo lobang lobang dijalantu, berikutnyo jangan lagi kito mencarut pas motor kito masuk lubang. Paham kito selamoko siapo nang kito caruti pas motorr atau otto kito temasuk lubang. Kalu istilah tobo di Jekerta tu, “Nikmati aja. Kagak usah pusing ataupun runsing”.
Soalnyo wisata jalan belubang ko menarik mengapo? Kerno cuman ado di Ibukota Provinsi Bengkulu kola. Iko pacak menari perhatian incek mato orang diluar bengkulu. Kalu iko la boming, tobotu penasaran dan akhirnyo tobotu bekunjung ke Bengkulu untuk menikmati sensasi jalan belubang. La pitis lagi masuk ke tempek kito.
Seorang kawan sempat betanyo. “Apo idak salah dan tebalik caro memandang, befikir model itu meliek banyaknyo jalan nangbelubang Cik?
Idak ado caro memandang dan befikir itu nangsalah. Mungkin caro nangkito pakai itu idak umum dipakai orang banyak. Kekiro analoginyo cemiko, “Kalu kito anggap segalo orang gilo, cuman kito sorang nangwaras, pertanyaannyo adalah, siapo sebenarnyo nang gilo?