Dearen, sayo agak tegelejek nganing anggota Komisi VIII DPR RI ngatokan, kalu Bengkulu merupokan provinsi miskin. Padohal kekayoan alamnyo banyak melimpah. Hal mecam iko kalau bahasa Jekertanya, itu namanya “ngejut-ngejut aja”.
Sayo endak berang cemano! Kalu tudingan itu benar, retinyo selamoko ado nanglembutlah gigi daripado lidah. Awak sangko selamoko cuman “panjanglah muncung daripado idung” ajo. Ternyato, ai……meleset cerito selamoko ndan.
Apo iyo apo idak kalu Bengkulu iko provinsi miskin, terus terang awak idak nian pecayo. Soalnyo tiok hari, induk-induk masih pai ke pekan. Belanjoannyo masih lemak-lemak. Masih makan ikan kalu idaktu ayam. Masih makan unji campur ikan. Kridit kendaraan laku banyak.
Kalu soal banyak nang idak merokok atau idak tebeli lipstik, sayo raso itu soal lain. Cubo kito pai ke rumah sakit atau bidan, tenyato banyak induk-induk nang ngantri endak branak. Kan itu menunjukan idak ado kemiskinan nangsignifikan seperti dikatokan anggoa DPR RI tukan? Lain soal kalu pemerintah daerah kito sengajo endak nanguk pitis dari pusat. Itu biasolah. “Kendak bubu ikan masuk”.
Tapi kalu teryato benar Bengkulu provinsi miskin, padohal kekayaan alam kito melimpah, mangko ado duo pertanyaannyo. Pertamo, apo ulah pemerintah daerah selamoko dekek kekayaan alam nangmelimpah itu? Keduo, apokah selamo iko kito idak pacak ngelolah kekayaan alam? Bahaso lainnyo bigal, atau memang kekayaan alam memang sudah dikelola, tapi diambik dekek risau banyaktu?
Apolagi salah seorang anggota dewantu ado Desi Ratnasari. Kan sayo meraso malu kek Desi oas ketemu deaen. “Bangso idak pacak-pacak nahan, wai pacak khilaf kito pas dekek kek Desi”. Kalu idak salah kecek kawan disebelah sayo, Desi itu jugo berasal dari Bengkulu. Enyo tinggal di Babatan Ujung (Bandung). Tapi sayo soal iko “no koment” ajo.
Mungkin sanak idak kenal dekek Desi, tapi sayo kenal nian dekek enyo. Tapi dulu, waktu enyo masih nyanyi lagu Tenda Biru. Bukan lagu gadis bejilbab unggu.
Tapi sudahlah, kito warga Provinsi Bengkulu terimo ajolah, Mano kendaklah, selagi itu sekedar pernyataan. Soalnyo ngapo? Miskin atau makmur itu hanyo soal pemasukan ajo. Untuk Pengeluarannyokan samo ajo. Paling idak kalu latedesak nian kelak, kito balik dengan semboyan lamo ajo. “Asal ado rokok sebatang, kopi segelas jadilah dulu sementaro. Pagi cerito pagi pulo yak”.
*Wartawan tinggal di Bengkulu
The post Girik Cik: DPR RI Jangan Ngejut-Ngejut Aja appeared first on kupasbengkulu.com.