Resonansi: Benny Benardie
Pekau soal kebiri. Pokoknyo, siapo lanang cok mecci, kiniko diusulkan dikebiri. Katonyo kebiri itu salah satu hukuman nang dilaksnakan, supayo lanang itu dalam waktu tertentu idak pacak mecci lagi.
Enyo sangko manusio orangtu Kambing Bobok apo? Apo kambing Kebiri? Mecam idak ado lagi caro ndak ngehukum manusio.
Cik cuman ndak ngasi tau, binatang liar mecam Gajah atau Rimau sekalipun, paca dijinak-i. Apolagi manusio!
Lanang pemerkosa, atau halusnyo, lanang penojek itu kita paham, kalu tobo itu mempunyoi sifat Kambing Bobok tadi. Sibuk Kambing tino ndak makan pucuk daun, sibuk enyo ndak………Eh, pakai suaro pulo……….Mmbooook.
Kalu kito kebiri, Kambing Bobok apo enyo menderita? Idak. Apo badannyo ngurus? Idak. Tapi bhatin ndeen. Itu kalu kambing nang idak punyo akal. Kalu manusio? Tau dan pahamlah sanak tukan!
Mecamano kalu koruptor di kebiri? Kiro-kiro ado korelasinyo dak menurut sanak? Kalu menurut Cik ado. Cuman Cik idak ndak ngasih tau banyak kek sanak, kereno Cik selow, he he he.
Sebenarnyo koruptor tino atau lanang jugo pacak di hukum kebiri. Bahkan lebih padek lagi. Rasonyo endak korupsi pastilah idak ado lagi. Soalnyo ado jugo koruptor, pitisnyo banyak digunokan untuk mecci. Entah itu di Jekarta atau di ‘Yang Tau’, belok kanan duo kali. Kan samo jugo!
Jadi menurut Cik, eloknyo pencegahan, preventif dipikirkan, bukan ndak nyayo orang musti dilakukan. Hukum adat diterapkan lagi. langkah awal, stop tobo -tobo mete di Pantai Panjang, Tahura, atau di tempek lainnyo.
Soalnyo, ngapo lanang kek tino harus duduk di tempek sepi, beduo-duo kalu bukan ndak mecci kering. Apolagi masuk hotel, pastilah ndak mecci basah. Kalu idak ndak ngaku, retinyo tobo nangbemetean itu la di kebiri duluan. La ngambik jatah Kambing Bobok.
Jurnalis