oleh

Rajo Buayo di Negeri Kucing Air

buayo
Resonansi: Benny Hakim Benardie

Pagi itu Negeri Kucing Air itu tenang. Pas la naik tengah ari mulai pekau. itu biaso dan la idak eran lagi. Mungkin letak giografisnyo nangdekek air, mangko tabiatnyo model itu.

Ado jugo Negeri Kucing di daerah sebelah, Malaysia, tapi idak model itu nian. padohal disitu dekek air jugo. Mungkin airnyo lain dak Ndan, disitu airnyo agak putih cak salju.

Idak ado angin, idak ado Ujan (Awas gempo Cik), Rajo Buayo berhasil mimpin Negeri Kucing Air. Tentunyo jugo bukan hal nang aneh. Kereno sebelumnyo negeri iko jugo sempat di kuasoi Kucing Garong, tapi masih sesamo kucing tulah, kecuali ke Unto, itu agak lain.

Entah ngapo siang itu, mungkin kereno lagi pening, mungkin lagi pesak pitis lagi idaknyo, merokok idak, gulo kopi abis, Rajo Buayo agak teganggu penceli’annyo. Dilieknyo, Negeri nangdipimpinnyo bukan bangso Kucing Air, tapi Buayo galo. Sehinggo caronyolah Sang Rajo Buayo berkomunikasi.

Rakyat Negeri Kucing Air tau prasayan Rajo Buayo itu. Cuman tobo Kucing Air itu idak ambik pening. Meminjam bahaso negeri di seberang hutan katonyo, “Padiala palak taluluak, asal tanduak masuak”.

Pertanyaannyo, apo perbedaan nangprisipil (Bukan tesipil ndan, itulain pulo retinyo) antaro Buayo Kek Kucing Air. Ngapo tobotu pacak bekubang di negeri nangsamo?

Menurut penelitian para ahli animal, Buayo kek Kucing Air (Berang-berang) itu beda caro, beda fisik, tapi samo sifatnyo. Kalu Buayo caro nyari makan selow. Kalu Kucing Air, agak agresif. Sekali enyo masuk ke kolam ikan, sekolam ikan tu selesai dibueknyo.

Buayo kalu makan banyak dan enyo simpan dalam perutnyo enggut beberapo ari, baru nyari makan lagi. Kalu Kucing Air, makan dikit, tapi makanan enyo simpan dekek sarangnyo tulah. Pas lapar, baru enyo melantak lagi. jadi mecamitu perbedaannyo. Kalu sifatnyo ado kemiripan.

“Mirip mecamano Pak Ahli,” tanyo Cik

“Miripnyo, idak tau nahan selero. Pokoknyo ado pecci, ado pecci terus melantak deh dong ah”.

“Kamu ko ngecek srius Pak Ahli. Crito penyelidikanko belum selesai,” tegur Cik agak mane dikit.

“Maaf nih, saya ngejut-ngejut aja Cik. Pokoknyo Cik pikirkanlah soal Rajo Buayo dekek Kucing Air ko, samo dekek Cik mikir perbedaan antaro Utak Katung dekek Utang Gaguk,” kato Ahli sambil tekikik.

Penulis dan Jurnalis   

Komentar

Tinggalkan Balasan

Alamat email Anda tidak akan dipublikasikan. Ruas yang wajib ditandai *

News Feed