Pemimpin itu orang nangdikasih amanat di bahunyo serto punyo tanggungjawab dekek wilayah atau orang nangdipimpinnya. Ingek, nangkito maksud maksud pemimpin, bukan pimpinan. Tapi kalu enyo ‘mati daging’, tentu efek dominonyo samo.
Pertanyaanyo, apo itu ‘mati daging’ seperti gaek-gaek kito cok ngecek pas beli ikan di pekan. Terus, mecamano kalu itu kito hubungkan dekek pemimpin nangado kini. Cuman Cik ngecek ko soal pemimpin diluar, bukan di Bengkulu yo….Soalnyo kelak ado nangtesinggung, pecah muncung kito nden…
Apolagi pemimpin itu bisa enyo presiden, gubernur enggut Ketua RT. Kito sebagai laki jugo pemimpin untuk anak bini kito. Kalu bini jadi pemimpin, laki craguk ajo di rumah, itu salah satu gejala pemimpin ‘mati daging’.
Ikan kalu mati dagingtu, biasonyo badannyo cegang, tampak elok tapi rasonyo la idak lemak lagi. Dibuang sayang, dimasak idak keruan raso lagi. Solusinyo kalu idak di jemur kering, atau dibuak ikan salam ajo lagi.
Analoginyo, kalu ado pemimpin misalnyo kalu enyo gubernur, idak ngijonyo jalan rusak, Pungli masih banyak, pembangunan lain idak ado pulo, termasuk biaya sekolah tinggi dienangkan ajo, “Aa….itulah pemimpin mati daging”. Elok kito jemur kering atau jadikan ikan salam ajo.
Untunglah di Provinsi Bengkulu iko idak ado pemimpin ‘mati daging’. Kalu ado tentunyo la dimakan pulo dekek kucing air.